ខ្ញែរ

ខ្ញែរ(Chaetocarpus castanocarpus)

អំបូរ Euphorbiaceae

ចុល្លព្រឹក មានកម្ពស់ ៥ ទៅ ១២ ម មែកមានរោមតូចៗ តិចនិងប្រែជាគ្មានរោម នៅពេលមែករបស់វាចាស់ ។ ស្លឹកទោលតម្រៀបឆ្លាស់ ខ្នាយស្ទបស្លឹករាងដូចលំពែង ទ្រេត មានទំហំតូចៗ  ជ្រុះហើយលាស់វិញ តួស្លឹករលោង ដូចស្បែករាងដូចស៊ុតស្រួចចុង ឬ រាងមូលទ្រវែង ទំហំ 7-15 ស.ម គែមស្លឹករាងពេញ ចុងស្លឹករាងស្រួចទ្រវែង គល់រាងដូចស្នៀត ឬ ទាល ផ្ទៃស្លឹកសងខាងរលោងគ្នារោម ទោងស្លឹកប្រវែង 5x8 ម.ម ។ ផ្កាដុះចេញពីជំពាម ហើយផ្តុំគ្នាជារាងមូល ស្ទបផ្ការាងស៊ុតប្រវែង 1 ម.ម ។ ផ្កាឈ្មោលមានទងប្រវែង 4,5ម.ម មានរោមត្របកផ្កាមានចំនួន 4 ត្របក មានរាងទ្រវែង ប្រវែង2​ទៅ 3 ម.ម ខាងក្រៅមានរាងតូចៗ តិច នៅគែមមានរោម ។ ផ្កាញី មានទងប្រវែង 4,5 ម.ម មានរោមតូចៗតិច មានត្របកចំនួន 4 ត្របកមានរាងដូចស៊ុត ប្រវែង ៣ម.ម ខាងក្រៅមានរោមតូចៗ តិចគែមមានរោម ។ ផ្លែជាផ្លែស្ងួត ប្រះ រាងស្ទើរមូលវិជ្ជមាត្រ 1-1,2 ស.ម មានរោមរឹង ពណ៌ត្នោត ខ្ចីមានមានចំនួន 3សន្ទះ បិតបើក ។ គ្រាប់រាងស្ទើរដូចស៊ុតពណ៌ខ្មៅរលោង ប្រវែង 5​ម.ម ។

ដកស្រង់ចេញពីចេញពីសៀវភៅ ជីវចម្រុះនៅកម្ពុជា